SQO-da stýdentter evakýatormen vagon urlap ketken
Soltústik Qazaqstan oblystyq Polıtsııa departamenti baspasóz qyzmetiniń málimetinshe, 17 sáýir kúni keshke Petropavl turǵyny polıtsııaǵa aryzdanyp, turmysta paıdalanylatyn dońǵalaqty vagonnyń urlanǵanyn aıtqan. Alaıda jábirlenýshi urlyqtyń naqty qashan bolǵanyn aıta almaı, múlki 5-17 sáýir aralyǵynda joǵalýy múmkin degen boljam jasaǵan. Shyǵyn kólemi 100 myń teńgeni qurady.
Polıtseıler urlyq bir apta buryn jasalǵanyn jyldam anyqtady. Dál osy ýaqytta jergilikti turǵyndar kóshede ketip bara jatqan evakýatordy baıqaǵan eken. Jedel ýákilder metall qabyldaý pýnkterin teksere kele, urlanǵan múliktiń bólikterin tapty.
Kóp uzamaı eki kúdikti – 18 jastaǵy qala turǵyny jáne Tımırıazev aýdanynyń 24 jastaǵy turǵyny anyqtaldy. Ekeýi de reseılik joǵary oqý ornynyń stýdentteri. Vagonǵa burynnan kózderi túsip, yńǵaıly sátti kútken.
«Atalǵan fakti QR Qylmystyq kodeksiniń «Urlyq» baby boıynsha Sotqa deıingi tergep-tekserýdiń biryńǵaı tizilimine engizildi. Jumysshy kentiniń aýmaǵynda urlanǵan metall kóp jaǵdaıda qabyldaý pýnkterinen tabylyp jatady. Bıznesmendermen ýaǵdalastyqtarǵa qol jetkizildi: metall urlanýy múmkin degen kúdik týyndasa, kelisim jasaýdan bas tartýǵa mindetteledi», - deıdi Petropavldaǵy Ekinshi polıtsııa bóliminiń bastyǵy Rýslan Syzdyqov.