SQO-da sottalǵan azamattar «QazVac» vaktsınasyn saldyrýda

PETROPAVL. QazAqparat – Soltústik Qazaqstan oblysynda túzetý mekemelerinde jazasyn ótep jatqandar koronavırýsqa qarsy vaktsınatsııadan ótýde, dep habarlaıdy QazAqparat tilshisi.

SQO boıynsha Qylmystyq-atqarý júıesi departamenti baspasóz qyzmetiniń málimetinshe, Petropavldaǵy ES - 164/6 túzetý mekemesinde jazasyn ótep jatqan áıelderge vaktsına salyndy. Buǵan deıin sottalǵandarǵa reseılik «Spýtnık V» preparaty egilse, osy joly tańdaý negizinen qazaqstandyq «QazVac» vaktsınasyna tústi.

«Vaktsına alýǵa nıet bildirgen jazasyn óteýshiler aldymen medıtsınalyq tekserýden ótti. Terapevt teksergennen keıin sottalǵandar vaktsına aldy. Vaktsınatsııa erikti túrde júrgiziledi. Ekpe alýdan bas tartqan sottalǵandar bolǵan joq. Vaktsınatsııa josparly túrde júrgiziledi», - deıdi SQO boıynsha QAJD bastyǵynyń orynbasary Aleksandr Kochkın.

Bir apta buryn áıelder kolonııasynan 87 adamǵa vaktsına salyndy. Búgin taǵy 99 adam ekpe aldy.

«Búgin men «QazVac» vaktsınasyn aldym. Ózimdi jaqsy sezinip turmyn. Árbir sanaly adam osy vaktsınany qoıý arqyly ózin qaýipsizdendirýi tıis dep esepteımin», - deıdi sottalǵan Aızada.

Jalpy búginde ES-164/6 túzetý mekemesinde 843 áıel jazasyn ótep jatyr. Olardyń ishinde 40 áıel ǵana medıtsınalyq kórsetkishterge baılanysty ekpe almaıdy.

«Koronavırýsqa jalpy ımmýnıtetti qalyptastyrý maqsatynda oblystyq Densaýlyq saqtaý basqarmasynyń kómegimen ES – 164/1,3,6,9 mekemelerinde sottalǵandardy «Spýtnık V» jáne «QazVac» vaktsınalarymen jappaı vaktsınalaý júrgizilip jatyr. Búgingi kúni 284 sottalǵan ekpe aldy», - deıdi Aleksandr Kochkın.