SQO-da sot oryndaýshylar 133,5 mln teńge tabysty jasyrǵan

PETROPAVL. KAZINFORM - Soltústik Qazaqstan prokýrorlary jeke sot oryndaýshylarynyń salyq zańnamasyn tıisinshe oryndamaý faktilerin anyqtady.

Tekserý barysynda qadaǵalaý organy jeke sot oryndaýshylarynyń 2023 jylǵa arnalǵan 240.00 nysany boıynsha jeke tabys salyǵy boıynsha tapsyrylǵan deklaratsııada kiristerin aıtarlyqtaı tómendetý faktilerin anyqtady.

Oblys boıynsha osyndaı faktiler jalpy somasy 133,5 mln teńge tabysyn jasyrǵan jáne 13,2 mln teńge kóleminde salyq tólemegen 25 jeke sot oryndaýshysyna qatysty anyqtaldy.

Sonymen qatar nóldik kiristi kórsetetin salyq deklaratsııasyn berý faktisi anyqtaldy. Osylaısha, jeke sot oryndaýshysy 2023 jyly jalpy somasy 20,8 mln teńge bolatyn 459 qujatty oryndaǵany úshin 4,5 mln teńge kóleminde kiris alǵan. Alaıda sońǵysy ýákiletti organǵa 449 myń teńge somasyndaǵy salyq mindettemesin oryndaýdan jaltaryp, tabysynyń joqtyǵy týraly deklaratsııa tapsyrǵan.

Salyq organynyń qadaǵalaý sharalary kameraldyq baqylaýdy júzege asyrdy. Nátıjesinde 11 JSO 27,4 mln teńgege qosymsha deklaratsııa tapsyryp, 2,6 mln teńge somasyna jeke tabys salyǵyn óz erkimen tóledi.

Bas prokýratýra málimetinshe, qazirgi ýaqytta prokýrorlyq qadaǵalaý aktisin oryndaý maqsatynda ýákiletti organ salyq bereshegin óndirip alý sharalaryn qabyldap jatyr.

Aıta keteıik, Ádilet mınıstrligi azamattardy jalǵan sot oryndaýshylardan saqtandyrdy.