SQO-da sot ákimdik ókilinen 30 myń teńgege jýyq aqsha óndirip aldy

PETROPAVL. QazAqparat – Soltústik Qazaqstan oblysynda sot aldyndaǵy mindetti oryndamaǵan ákimdik ókilinen 29 myń 170 teńge aqsha óndirilip alyndy, dep habarlaıdy QazAqparat tilshisi.

SQO sotynyń málimetinshe, aqshalaı óndirip alý Petropavl qalalyq ákimdiginiń ókiline qoldanyldy.

Oblystyq mamandandyrylǵan aýdanaralyq ákimshilik soty ákimshilik is boıynsha aldyn ala tyńdaýda bul jazany múddeli tulǵaǵa mindetti oryndamaǵany úshin qoldandy.

«QR ákimshilik rásimdik-protsestik kodeksi normalaryna sáıkes aqshalaı óndirip alý jeke, laýazymdy adamǵa, zańdy tulǵaǵa ne onyń ókiline qoldanylady. Bul jazaǵa sot belgilegen merzimdi dálelsiz sebeptermen buza otyryp, sottyń suraý salýyn oryndamaǵan jaǵdaıda tartylady. Óıtkeni qujattardy merziminde usynbaý aldyn ala tyńdaý kezeńinde isti qaraýdyń sozylýyna ákeledi», - delingen habarlamada.

Sot uıǵarymymen aqshalaı óndirip alý mólsheri - 10 AEK, bul 29 170 teńgeni quraıdy.

SQO mamandandyrylǵan aýdanaralyq ákimshilik soty jumysyn bastaǵan 2021 jyldyń 1 shildesinen bastap sot talaptaryn oryndamaǵany úshin barlyǵy 8 adamǵa aqshalaı óndirip alý qoldanyldy.