SQO-da sońǵy eki aptada koronavırýsty juqtyrý eki ese tómendedi
PETROPAVL. QazAqparat – Soltústik Qazaqstan oblysynda sońǵy eki aptada koronavırýsty juqtyrý deńgeıi 48 %-ǵa tómendep, 1117 jaǵdaı tirkeldi, dep habarlaıdy QazAqparat tilshisi.
SQO-nyń bas sanıtar dárigeri Áset Jumataevtyń aıtýynsha, óńirde indet bastalǵaly koronavırýs juqtyrýdyń 23 052 jaǵdaıy tirkeldi. Onyń 455-i, ıaǵnı 1,9 %-y syrttan ákelingen. Barlyq juqtyrǵandardyń 71 %-ynda aýrý belgileri bolǵan.
Sońǵy eki apta ishinde aýyrǵandar sany shamamen eki ese, 48 %-ǵa tómendegen. 13 tamyz ben 26 tamyz aralyǵynda 2 177 adam aýyrsa, ótken eki aptada 1 117 adam juqtyrǵan.
«Ótken táýlikte jańadan 72 jaǵdaı tirkeldi, onyń 61-inde syrqattar dárigerge aýyryp kóringen. Eń kóp jaǵdaı ádettegideı Petropavldyń úlesinde – 32 adam aýyrǵan. Taıynshada – 8, M.Jumabaev aýdanynda – 7, Jambylda – 6, qalǵandarynda beseýden bastalady», - deıdi Áset Jumataev.
Buǵan deıin óńirde jańa oqý jyly 84 oqýshynyń jáne 19 muǵalimniń koronavırýs juqtyrǵanyn aıtqan edik.
SQO-da qazir 2580 nysan Ashyq jobasyna qosylǵan. Osy baǵdarlama arqyly úı karantınin buzǵandyǵy anyqtalǵan 31 adam jaýapkershilikke tartyldy. Olar qoǵamdyq oryndarǵa kirmek bolǵan. Taǵy 50 adamǵa qatysty materıal qaralyp jatyr.
