SQO-da sońǵy aptada 600-ge jýyq adam tumaý juqtyrǵan
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde JRVI boıynsha epıdemıologııalyq jaǵdaı búginge deıin baqylaý deńgeıinen asqan joq. Alaıda vırýsty ınfektsııany juqtyrýdyń maýsymdyq ósýi baıqalady.
Máselen qyrkúıek aıynda JRVI-diń 1872 jaǵdaıy tirkelse, sonyń 552-si sońǵy aptada aýyrǵandar.
Al ótken epıdemıologııalyq maýsymda vırýsty ınfektsııany juqtyrýdyń 31 myńǵa jýyq jaǵdaıy tirkeldi, syrqattanýshylyq 9 % artqan.
«Tumaý bolǵanda kenetten dene qyzýy kóteriledi, ádette qurǵaq jótel paıda bolyp, bas, bulshyqet pen býyndar aýyrady, qatty álsizdikti sezinip, tamaq qyzarady, murynnan sý aǵady.
Qazirgi ýaqytta aýrýdyń aldyn alýdyń tıimdi ádisteriniń biri – vaktsınatsııa. Tumaýǵa qarsy vaktsına ásirese, «qaýip tobyna» jatatyn adamdarǵa qoıylýy tıis, bul negizgi aýrýdyń asqynýynan, aýrýhanaǵa jatýdan jáne ólimnen qorǵaıdy.
Tumaýǵa qarsy profılaktıkalyq egý tirkelgen jeri boıynsha emhanada jasalady. Ony medıtsına qyzmetkerleri, medıtsınaly uıymynda dıspanserlik esepte turǵan balalar, balalar úıleriniń tárbıelenýshileri, qarttar úıleriniń kontıngenti jáne epıdemıologııalyq kórsetkishter boıynsha 2-3 trımestrdegi júkti áıelder, sozylmaly aýrýlary bar adamdar, 65 jastan asqan adamdar jáne taǵy basqalary tegin ala alady», - deıdi SQO sanıtarııalyq-epıdemıologııalyq baqylaý departamentiniń bas mamany Aınash Saǵandyqova.
3 qazannan bastap SQO-da tumaýǵa qarsy ımmýndaý naýqany bastalady.
Táýekel tobyna jatatyn adamdarǵa tumaýǵa qarsy tegin ımmýndaý úshin reseılik «Grıppol plıýs» vaktsınasynyń 60 myń dozasy satyp alyndy.
«Tumaýǵa qarsy vaktsına alýdan basqa, betperde kııý, áleýmettik qashyqtyqty saqtaý, múmkindiginshe adamdar kóp jınalatyn jerlerge barmaý, jeke gıgıena erejelerin saqtaý usynylady. Qoldy sabynmen múmkindiginshe jıi jýý kerek. Óıtkeni tumaý vırýsy aýa tamshylary arqyly ǵana emes, sonymen qatar turmystyq zattar arqyly da taralady. Sonymen qatar, ımmýnıtetti barlyq qoljetimdi tásildermen arttyrý kerek, ıaǵnı jumys jáne demalys rejımin saqtaý, jetkilikti uıqy, mıkroelementter men dárýmenderdiń, ásirese «S» vıtamıniniń, sarymsaq pen pııazdyń jetkilikti mólsherin tutyný.
Aýyrǵan jaǵdaıda úıden shyqpaı, dárigerdi shaqyryp, ınfektsııanyń odan ári taralýyn boldyrmaý úshin balabaqshaǵa, mektepke barmaý kerek», - deıdi Aınash Saǵandyqova.