SQO-da «Soltústik-2020» qysqy sport oıyndary ótip jatyr
PETROPAVL. QazAqparat – Soltústik Qazaqstan oblysynda myńdaǵan áýesqoı sportshyny qamtıtyn dástúrli «Soltústik-2020» qysqy oıyndarynyń óńirlik kezeńi bastaldy, dep habarlaıdy QazAqparat tilshisi.
SQO Dene shynyqtyrý jáne sport basqarmasynyń málimetinshe, «Soltústik-2020» qysqy sport oıyndary buǵan deıin óńirdiń 13 aýdanynda ótti. Baǵdarlama aıasynda Prezıdenttik kópsaıystan, kerlıngten, shańǵy qossaıysynan, konkımen júgirýden jarystar ótti.
Bıyl jarys baǵdarlamasyna alǵash engizilgen shańǵy qossaıysy barysynda sportshylar slalomnan jáne 10 shaqyrymǵa júgirýden saıysty. Soltústik óńirdiń turǵyndaryna shańǵy tebý qıyndyq týdyrmaıdy, al slalom jarysynda qatysýshylarǵa biraz ter tógýge týra keldi. Nátıjesinde Shalaqyn aýdanynyń sportshysy Aıan Áshimov birinshi keldi.
«Slalommen keıbirimiz búgin ǵana tanystyq. Bizdiń óńirde sporttyń bul túri damymaǵan. Unady, qyzyqty sport túri. Qary taý bolyp úıiletin Soltústik Qazaqstanda slalomdy damytý kerek degen pikirdemiz», - deıdi jarysqa qatysýshylar.
On shaqyrymǵa shańǵymen qýalap júgirýden Nıkıta ıÝgan aldyna jan salmady. Jalpy shańǵy qossaıysynan komandalyq esepte Ǵ. Músirepov aýdanynyń shańǵyshylary jeńis tuǵyrynan kórindi. Konkı tebýden M.Jumabaev aýdanynyń sportshylary birinshi oryndy alsa, kerlıngte taıynshalyqtarǵa teń keler jan tabylmady.
«Soltústik-2020» qysqy sporttyq oıyndar aıasynda 8-9 aqpan kúni úsh aýdanda shaıbaly hokkeıden aımaqtyq jarystar ótedi. Al 13-16 aqpan kúnderi Esil aýdanynda rıng-bendıden (dopty hokkeı) oblystyq saıystar josparlanǵan.
Fınaldyq jarystar Tımırıazev eldi mekeninde shaıbaly hokkeıden, fýt-zaldan, short-trekten jáne shańǵy tebýden 20-23 aqpan aralyǵynda ótpek.
