SQO-da soqtyǵysqan eki kóliktiń biri janyp ketti
PETROPAVL. QazAqparat – Soltústik Qazaqstan oblysynda eki jeńil kólik soqtyǵysyp, elektr qondyrǵylarynyń qysqa tuıyqtalýynan bireýi tolyǵymen janyp ketti, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqıǵa 8 qyrkúıek, saǵat 20.40 mınýt shamasynda bolǵan. Petropavl qalasynyń syrtyndaǵy aınalma jolda, Shahovskoe eldi mekenine burylysta Petropavl qalasynyń 20 jastaǵy turǵyny basqarǵan Honda Accord penTolmachevka eldi mekeniniń 60 jastaǵy turǵynynyń Volkswagen Jetta kóligi soqtyǵysyp qalǵan. Saldarynan Volkswagen Jetta oqıǵa ornynda janyp ketti.
«Jol-kólik apatyna jedel járdem qyzmetiniń eki kóligi shaqyrtyldy.
Avtokólikterde bolǵan 1960 jáne 1998 jyly týǵan jolaýshy áıelder emdeý mekemelerine jetkizilip, sol jerde tıisti kómek alǵannan keıin úılerine jiberildi», - delingen baspasóz habarlamasynda.
Medıtsınalyq kýálandyrýdan ótken júrgizýshilerdiń spırttik ishimdik ishpegeni belgili boldy. Qazir jol-kólik oqıǵasyna baılanysty ákimshilik materıal Petropavl qalalyq polıtsııa basqarmasynyń ákimshilik bólimine tapsyryldy.
