SQO-da soǵys ardagerlerine 250 myń teńgeden berildi
PETROPAVL. QazAqparat - Soltústik Qazaqstan oblysynda Jeńis kúni qarsańynda soǵys ardagerlerine 100 AEK, ıaǵnı 250 myń teńge kóleminde syıaqy berildi, dep habarlaıdy QazAqparat tilshisi.
Byltyr óńirde 130 soǵys ardageri bolsa, bıyl Jeńis merekesin olardyń 82-si ǵana qarsy almaq. Maıdangerlerdiń eń jasy qazir 93-te. Budan basqa Petropavlda 3457 tyl eńbekkeri turyp jatyr.
Oblystyq ardagerler keńesiniń tóraǵasy Eskendir Eleýsizovtiń aıtýynsha, maıdangerlerdiń eshqaısy nazardan tys qalmaıdy. Olar buryn ózderi eńbek etken uıym-mekemelerge bekitilgen. Meıram qarsańynda árbirine syı-sııapat kórsetiledi.
«Soǵys ardagerlerine teńelgenderge bıyl 5 AEK mólsherinde birrettik syıaqy beriledi. Budan basqa, aı saıyn olarǵa 16 AEK - 40 myń teńge shamasynda tólenedi. Barlyǵyna tisine protez salý, sanatorııalyq shıpajaıda em alý - tegin. Sondaı-aq mereke qarsańynda ardagerler TMD elderi boıynsha bir baǵytqa tegin jol júre alady», - dedi ol.
Aıta keteıik, Ekinshi dúnıejúzilik soǵysqa 92 myń soltústikqazaqstandyq attansa, ár úshinshi otbasyǵa «qara qaǵaz» keldi. 34 myń adam eńbek áskerine alyndy. Soltústikqazaqstandyq 56 jaýynger Keńes Odaǵynyń Batyry, 11-i Dańq ordeniniń tolyq kavaleri atandy.
