SQO-da skrınıngiden ótken ár úshinshi adamnan týberkýlez ınfektsııasy anyqtaldy
PETROPAVL. KAZINFORM – Soltústik Qazaqstan oblysynda týberkýlez ınfektsııasyn erte kezeńde anyqtaý maqsatynda joǵary sezimtaldyqqa ıe dıagnostıkalyq ádister – dıaskıntest pen kvantıferondy test qoldanylyp jatyr.
SQO ftızıopýlmonologııa ortalyǵynyń málimetinshe, týberkýlez ınfektsııasynda aǵzada týberkýlez mıkobakterııasy bolǵanymen, aýrýdyń belsendi túrine tán klınıkalyq nemese rentgenologııalyq belgileri bolmaıdy.
Dıaskıntest pen kvantıferondy test aýrýdyń belgileri bolmaı turyp, eń erte kezeńinde anyqtaýǵa múmkindik beredi. Bul aýrý asqynbaı turyp, profılaktıkalyq emdeýdi bastaýǵa jaǵdaı jasaıdy.
Sondaı-aq belsendi týberkýlezge aınalý qaýpi joǵary naǵyz týberkýlez ınfektsııasyn BTsJ ekpesine baılanysty organızmniń oń nátıje berý (Mantý oń nátıje berýi múmkin, biraq bul adam juqtyrdy degendi bildirmeıdi) reaktsııasynan ajyratýǵa múmkindik beredi. ıAǵnı bul testter burynnan qoldanylyp kelgen Mantý synamasyna qaraǵanda dálirek, óıtkeni olar BTsJ vaktsınasyna emes, tek naqty týberkýlez bakterııalaryna ǵana áser etedi.
Ádette qaýip tobyndaǵy adamdar jáne naýqaspen baılanysta bolǵandar tekseriledi. Atap aıtqanda: ımmýnosýpressıvti terapııa qabyldap júrgenderge, dıalızde júrgen nemese aǵza transplantatsııasyna daıyndalyp júrgen naýqastarǵa, sılıkoz dertimen aýyratyndarǵa, nesep-jynys júıesiniń onkologııalyq aýrýlarynda qýyqishilik BTsJ terapııasy aldynda, qant dıabetimen, bronhoókpelik aýrýlarmen, salmaq jetispeýshiligimen, VICh-ınfektsııamen, múgedektikpen tirkelgen balalarǵa, ata-anasy VICh-pen ómir súretin, qylmystyq-atqarý júıesinde otyrǵan, qolaısyz áleýmettik jaǵdaıdaǵy, nashaqorlyq nemese ishimdikke táýeldi, tabysy tómen otbasynan shyqqan, sondaı-aq mıgrant balalarǵa, 2 aıdan asqan, biraq BTsJ vaktsınasy salynbaǵan nemese ekpe tyrtyǵy qalyptaspaǵan balalarǵa test júrgiziledi.
2025 jyldyń segiz aıynda týberkýlez ınfektsııasyna qarsy skrınıng aıasynda 476 kvantıferondy test alynyp, olardyń 168-i oń nátıje kórsetti. Qaýip tobyndaǵy 734 adamnyń 84,5%-y, ıaǵnı 623 adamǵa dıaskıntest júrgizildi. Nátıjesinde 41 adamnan týberkýlez ınfektsııasy anyqtaldy. Sonymen qatar jyl basynan beri naýqaspen baılanysta bolǵan 713 adam tirkelip, olardyń 270-inen týberkýlez ınfektsııasy tabyldy.
Mamandardyń aıtýynsha, týberkýlez ınfektsııasy anyqtalǵan, biraq belsendi týberkýlezi joq adamdarǵa hımıoprofılaktıkalyq em taǵaıyndalady. Bul – ınfektsııanyń belsendi túrge aınalmaýy úshin kerek.
Buǵan deıin SQO-da jarty jylda 900-den astam adamǵa onkologııa dıagnozy qoıylǵanyn jazǵan edik.