SQO-da syra tıelgen júk kóligi aýdaryldy
PETROPAVL. KAZINFORM – Soltústik Qazaqstan oblysynda kólik júrgizýshisi rýlge ıe bola almaı qalyp, 20 myń kg syra tıelgen júk kóligin aýdaryp aldy.
SQO polıtsııa departamenti baspasóz qyzmetiniń málimetinshe, oqıǵa «Astana-Petropavl» respýblıkalyq mańyzy bar avtojolynyń 436 shaqyrymynda, Lenınsk eldi mekeniniń janynda bolǵan.
«Volvo» júk kóligin júrgizgen 63 jastaǵy Qyrǵyzstan azamaty tizginge ıe bola almaı kıývetke aýdarylǵan.
Zardap shekkender joq, júk kóligi mehanıkalyq zaqymdandy. Polıtsııa qyzmetkerleri jáne ótip bara jatqan júrgizýshiler Qyrǵyz eliniń azamatyna aýyr júk kóligin jolǵa shyǵarýǵa kómektesti.
Tártip saqshylary júrgizýshilerge alys saparǵa shyǵar aldynda aýa-raıy boljamy men shuǵyl qyzmetterdiń habarlamalaryn nazardan tys qaldyrmaýdy, kólik quralynyń tehnıkalyq jaǵdaıyn tekserýdi, jyly kıimder men qajetti qural-saımandadyń bolýyn eske salady. Aýa-raıy qolaısyz bolǵan jaǵdaıda jyldamdyqty tómendetý kerek.
Buǵan deıin halyqaralyq júk tasymaldaýshylar úshin jańa tetik engiziletindigin jazǵan edik.