SQO-da shomylý oryndarynda reıd júrip jatyr
PETROPAVL. QazAqparat – Soltústik Qazaqstan oblysynda qutqarý keýdeshesi nemese sheńberi joq sýda júzý quraldaryn paıdalanatyndar jazalanyp jatyr, dep habarlaıdy QazAqparat tilshisi.
Tótenshe jaǵdaılar jónindegi departamenttiń baspasóz qyzmetiniń habarlaýynsha, Esil ózeninde júrgizilgen reıd nátıjesinde «Shaǵyn kólemdi kemelerde jeke qutqarý quraldarynsyz serýendeý» ákimshilik baby boıynsha eki hattama toltyryldy. Ol boıynsha aıyppul 5 aılyq eseptik kórsetkishti quraıdy.
Petropavl mańyndaǵy Pestroe kólinde tyıym salynǵan jerde shomylǵan adamdarǵa eki eskertý jasaldy.
Qutqarýshylardyń aıtýynsha, reıdterdiń basty maqsaty – sýdaǵy qaýipsizdikti qamtamasyz etý. Oblysta 11 adam sýǵa batyp ketti. Sonyń tórteýi kóligimen sýǵa ketken.
«Ókinishke qaraı, barlyǵy birdeı sýǵa shomylatyn qaýipsiz jerdi tańdaı bilmeıdi. Kóptegen turǵyndar shomylýǵa arnalmaǵan oryndarǵa barady, sondyqtan osyndaı demalys qaıǵyly jaǵdaımen aıaqtalyp jatady. Akvatorııany aralap júrgende qutqarýshylar sýdaǵy qaýipsizdik erejeleri jazylǵan nusqaýlyqty taratady. Sondaı-aq reıd barysynda jaǵalaý aımaǵyna 10-nan astam kólik kirigizilmedi», - dep atap ótti baspasóz qyzmeti.
Sýdaǵy adam óliminiń aldyn alý boıynsha reıdter shomylý maýsymy aıaqtalǵansha júretin bolady.
