SQO-da shetelge ketken balaǵa járdemaqy tólenip kelgen
PETROPAVL. KAZINFORM – Soltústik Qazaqstan oblysynyń prokýratýrasy bıýdjet qarajatynyń jumsalýyna taldaý jasaı otyryp, áleýmettik tólemderdi tóleýde zań buzýǵa jol berilgenin anyqtady.
SQO prokýratýrasynyń málimetinshe, áleýmettik kodekstiń 71-babyna sáıkes birge turatyn kámeletke tolmaǵan úsheýden kóp balasy bar kópbalaly otbasylarǵa aı saıyn memlekettik járdemaqy túrinde áleýmettik qorǵaý qarastyrylǵan.
Kodekstiń osy belgilengen talaptaryna qaramastan, Qazaqstanda turaqty turýǵa ruqsaty bar 8 sheteldik otbasy zańsyz áleýmettik járdemaqy alyp kelgen. Olar balalarynyń basqa elge ketýine baılanysty ózderimen birge turmaıtynyn ýákiletti organǵa habarlamaǵan. Saldarynan járdemaqy tólene bergen. Osylaısha 5 mln teńgeden astam somany qaltaǵa basqan.
Prokýrorlyq qadaǵalaý aktisimen bul otbasylarǵa tólemder toqtatyldy, olardan zańsyz alynǵan aqshany erikti túrde óteý týraly mindettemeler alyndy.
Budan bylaı mundaı faktilerdi boldyrmaý maqsatynda áleýmettik qorǵaý organdary aqparattyq júıelerdi ıntegratsııalaý jóninde sharalar qabyldaıdy. Nátıjesinde azamattardyń memlekettik shekaradan ótýi týraly derekterdi alyp otyrmaq.
Buǵan deıin SQO-da 25 myń ga jer memleket menshigine qaıtarylǵanyn jazǵan edik.
