SQO-da sheteldikter otyrǵan shaǵyn avtobýs ıen dalada synyp qaldy
PETROPAVL. QazAqparat - Soltústik Qazaqstan oblysynda tańǵa jýyq Tájikstan azamattary otyrǵan shaǵyn avtobýs synyp qalǵan, dep habarlaıdy QazAqparat tilshisi.
Soltústik Qazaqstan oblystyq Tótenshe jaǵdaılar departamentiniń aqparatyna sáıkes, ýaqtyly kómek kelmegende en dalada qalǵan sheteldikterdiń hali múshkil bolar edi. Aımaqta aıaz túsip, sheteldikter aýa raıynyń bulaısha qubylýyna daıyn bolmaǵan.
«Adam júrmeıtin «Peterfeld - Novokamenka» jolynda avtobýstyń synýy jeńil kıingen ońtústiktegi eldiń azamattaryna naǵyz synaqqa aınaldy. Olar aqyry 112 nómirine habar berdi. Arada 15 mınýt óter-ótpesten oqıǵa ornyna TJ qyzmetkerleri men Qyzyljar aýdany ákim apparatynyń qyzmetkerleri, Arhangelsk aýyldyq okrýginiń ákimi keldi. «Sıtroen - Sprınter» avtobýsy synyp qalǵan jerinde jóndelip, qajetti amaldar jasaldy. 8 jolaýshy jedel túrde Arhangelsk aýylynyń jylyný pýnktine jetkizildi», - delingen departamenttiń habarlamasynda.
Qazirgi ýaqytta Tájikstan Respýblıkasynyń azamattary otanyna oralýǵa qamdanyp jatyr.
Eske sala ketsek, buǵan deıin Aqmola oblysynda jolda qalǵan Ózbekstannyń 43 azamaty qutqarylǵanyn habarlaǵan bolatynbyz.
