SQO-da shetelden koronavırýs juqtyryp kelgen azamattardy tirkep jatyr

NUR-SULTAN. QazAqparat - Soltústik Qazaqstan oblysynda koronavırýs juqtyrǵan shete azamattaryn tirkeý jumystary jalǵasýda, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.

PTR-diń oń nátıjeleri negizinen Reseı Federatsııasynan kelgen azamattar kóp anyqtalyp otyr.

Osy rette bıylǵy jyldyń 16 mamyrynda Reseı Federatsııasymen shekaralas avtomobıl joldaryndaǵy shekaralyq baqylaý beketteri arqyly 725 adam ótkenin aıta ketý kerek.

Sonyń ishinde jaıaý jolaýshylardyń 354-de PTR-taldaýdyń teris nátıjesi bar anyqtama bolǵan. Anyqtamasyz kelgen 21 Qazaqstan azamaty karantındik statsıonarlarǵa ornalastyrylyp, olardan COVID-19-ǵa PTR-taldaý jasaý úshin tıisti analızder alyndy.

Qazaqstan Respýblıkasynyń memlekettik shekarasyn kesip ótken sátte 72 saǵattan erte emes PTR ádisimen iriktelgen COVID-19-ǵa testileýden ótkeni týraly anyqtamasy bolmaǵandyqtan, 4 shetel azamatyna SQO-nyń aýmaǵyna kirýge tyıym salyndy.

Aıta keteıik, Reseı Federatsııasymen shekaralas avtomobıl joldaryndaǵy UQK-niń shekaralyq baqylaý beketteri arqyly 2020 jylǵy 6 qazan men 2021 jylǵy 16 mamyr aralyǵynda 128 166 adam ótken. Sonyń ishinde 51017 jaıaý jolaýshynyń PTR-testileýiniń teris nátıjesi bar anyqtamalary bolsa, 4 098 qazaqstandyq óńirge anyqtamasyz kelgen.

Anyqtamasyz kelgen Qazaqstan azamattarynyń barlyǵy COVID-19-ǵa zerthanalyq tekserýden ótýi úshin karantındik statsıonarlarǵa ornalastyryldy.

Joǵaryda atalǵan merzim ishinde PTR-testileýdiń oń nátıjesi bar 280 adam anyqtaldy. 35 adam ınfektsııalyq statsıonarǵa jatqyzylsa, 245 adam ambýlatorııalyq em qabyldaý úshin karantınge jiberildi.

Sonymen qatar, 747 sheteldik azamatqa COVID-19 PTR testileý týraly anyqtamanyń bolmaýyna baılanysty Qazaqstan aýmaǵyna kirýge tyıym salyndy.