SQO-da shetel azamaty ekstremıstik baǵyttaǵy ádebıetti taratpaq bolǵan

PETROPAVL. QazAqparat – Soltústik Qazaqstan oblysynda jyl basynan beri dinı baǵyt boıynsha 17 ákimshilik quqyq buzýshylyq tirkeldi, dep habarlaıdy QazAqparat tilshisi.

Polıtsııa departamenti baspasóz qyzmetiniń aqparaty boıynsha, osy quqyq buzýshylyqtyń ishinde 13 fakti zańsyz dinı ádebıetterdi taratýǵa tıesili. Osyndaı kitaptardyń satylatyny týraly habarlamalardyń basym bóligi ınternetten tabyldy.

Mámlút aýdandyq polıtsııa bóliminiń qyzmetkerleri 37 jastaǵy Qyrǵyzstan azamatyn jaýapqa tartty. Onyń kóliginen sot ekstremıstik dep tanyǵan dinı taqyryptaǵy kitaptar tabyldy.

«Quqyq buzýshynyń aıtýynsha, ol bul kitapty Qazaqstanǵa ákelýge tyıym salynǵanyn bilmegen. Degenmen, zańdy bilmegen adam jaýapkershilikten bosatylmaıdy. Tyıym salynǵan ádebıetter tizimi QR Bas prokýratýrasynyń saıtynda bar», - dedi ekstremızmge qarsy kúres basqarmasynyń bastyǵy Rýslan Muhambetjanov.

Polıtseıler dinı kitaptardy jergilikti atqarýshy organdardyń ruqsaty bar arnaıy dúkenderde ǵana taratýǵa bolatynyn eske saldy. Óńirde ondaı dúkender sany - 12.