SQO-da shetel azamattaryna zańsyz JSN berý derekteri anyqtaldy
PETROPAVL. KAZINFORM - Soltústik Qazaqstan oblysynda shetel azamattaryna jeke sáıkestendirý nómirlerin (JSN) berý kezinde zań buzýshylyqtarǵa jol berilgen.
Bul oblys prokýrorlary júrgizgen taldaý nátıjesinde belgili boldy.
SQO prokýratýrasynyń málimetinshe, shetel azamattaryna qyzmet kórsetý kezinde Qazaqstan Respýblıkasynyń «Sáıkestendirý nómirleriniń ulttyq tizilimderi týraly» Zańynyń talaptary óreskel buzylǵan. Atap aıtqanda, «Azamattarǵa arnalǵan úkimet» memlekettik korporatsııasynyń SQO boıynsha fılıaly shetel azamattaryna olardyń Qazaqstan aýmaǵynda naqty bolmaǵanyna qaramastan, 720 ótinishti rásimdep, zańsyz JSN bergen.
Prokýrorlyq qadaǵalaý aktisiniń negizinde zańbuzýshylyqqa jol bergen jaýapty tulǵalar qoldanystaǵy zańnamaǵa sáıkes jaýapkershilikke tartyldy, sondaı-aq zańsyz berilgen JSN-derdiń kúshin joıý boıynsha shara qabyldanyp jatyr.
Sonymen qatar, osy jyldyń 3 shildesinde prokýrorlyq materıaldardyń negizinde Petropavl qalasy men M.Jumabaev aýdanynyń polıtsııa organdary QR Qylmystyq kodeksiniń 206-baby 2-bóligi – «Aqparatty zańsyz joıý nemese ózgertý» boıynsha sotqa deıingi tergep-tekserýdi bastady.
Qazir tergeý amaldary júrgizilip jatyr. Bul istiń barysn oblys prokýratýrasy baqylaýǵa aldy.
Buǵan deıin SQO-da otbasylyq janjalqoılarǵa tıisti jaza qoldanylmaı kelgenin jazǵan edik.