SQO-da sheneýnikter sýbsıdııany berýde zańsyzdyqtarǵa jol bergen
PETROPAVL. QazAqparat - Etıka jónindegi keńeste sýbsıdııa tóleý kezinde buzýshylyqtarǵa jol bergen memlekettik qyzmetshilerge qatysty birneshe is qarady, dep habarlady «QazAqparat» HAA tilshisi.
M. Jumabaev aýdany prokýrorynyń orynbasary Qaısar Ábishev óziniń vedomstvosy «Agrobıznes-2020» baǵdarlamasyn iske asyrý boıynsha aýdandyq aýyl sharýashylyǵy bóliminiń qyzmetine tekserý júrgizgendigin aıtty. Tekserý barysynda ótken jyly bólim basshysy Álibaı Qusaıynov pen bas maman Dáýit Súleımenov aýdannyń eki fermerlik sharýashylyǵynyń 13 bas malyn eki ret sýbsıdııalaýǵa jol bergeni anyqtaldy. Saldarynan bıýdjetten 234 myń teńge negizsiz tólengen. Osy bólimde birneshe aýyl sharýashylyǵyna baılanysty sýbsıdııa ala almaǵan faktiler de anyqtaldy.
«Otandyq asyl tuqymdy iri qara mal satyp alý úshin bir mal basyna 154 myń teńge qarastyrylǵan. «Lých» sharýa qojalyǵy (sımmental, qyzyl dalalyq) 27 bas asyl tuqymdy iri qara mal satyp alýǵa ótinim bergen. Alaıda bólim qyzmetkerleri 3,3 mln teńge kóleminde sýbsıdııa somasyn anyqtady. Al sýbsıdııa somasy 4,1 mln teńgeni quraýy tıis bolǵan. Osylaısha «Lých» sharýashylyq qojalyǵy 770 myń teńgeni jetkizbeı alǵan», - dedi aýdan prokýrorynyń orynbasary.
