SQO-da sheneýnik ádep normalaryn buzǵany úshin qatań sógis aldy
SQO Sybaılas jemqorlyqqa qarsy qyzmettiń málimetinshe, Ádep boıynsha keńestiń otyrysy beınekonferents-baılanys arqyly ótti.
Vedomstvo qyzmettik tergeý júrgizip, nátıjesinde aýdandyq sheneýniktiń tıisti jumystardyń tolyq oryndalǵanyna kóz jetkizbeı atqarylǵan jumystar aktisine qol qoıǵandyǵy anyqtaldy. Ol merdigerdiń 2020 jyldyń mamyr aıynyń sońyna deıin jol belgilerin qoıý týraly kepilhatyna súıengen. Osylaısha merdigerdi memlekettik tapsyrysty jaýapsyz oryndaýshy dep tanýǵa shara qoldanbaǵan.
«Ádep normalaryna sáıkes, bólim jetekshisi memlekettik qyzmetker retinde adal jáne ádiletti bolyp, atyna kir keltirmeýi kerek. Alaıda isti qaraý barysynda, laýazymdy tulǵanyń Ádep kodeksiniń normalaryn buza otyryp, polıtsııaǵa jol belgileriniń urlanǵandyǵy jóninde jalǵan aryz túsirgendigi anyqtaldy jáne keıin birneshe ret kýágerlik jaýaptaryn ózgertken. Jol belgileriniń urlanbaǵandyǵyna baılanysty polıtsııa qylmystyq isti toqtatty», - dedi baspasóz qyzmetinde.
Ádep boıynsha keńes etıka normalaryn buzǵan bólim jetekshisin tártiptik jaýapkershilikke tartyp, qatań sógis jarııalaýǵa usynys berýge sheshim qabyldady.