SQO-da sheneýnik 500 myń teńge para aldy degen kúdikpen ustaldy

PETROPAVL. QazAqparat – Soltústik Qazaqstan oblysynda kóliktik baqylaý ınspektsııasynyń bólim basshysyna qatysty sotqa deıingi tergeý bastaldy, dep habarlaıdy QazAqparat tilshisi.

Soltústik Qazaqstan oblysy boıynsha Sybaılas jemqorlyqqa qarsy qyzmettiń málimetinshe, «Soltústik Qazaqstan oblysy boıynsha kóliktik baqylaý ınspektsııasy» RMM-niń bir bólim basshysy 500 myń teńge kóleminde para aldy degen kúdikke ilinip, qazir tergeý júrip jatyr.

Kúdikti kásipkerlerdiń birinen qomaqty somany oblys aýmaǵynda onyń júk kólikteriniń kedergisiz júrýi jáne kásipkerlik qyzmetine jalpy qamqorlyq kórsetý úshin alǵan degen kúmán bar. Kásipkerge qatysty da para berý faktisi boıynsha sotqa deıingi tergeý bastaldy.