SQO-da shekteý qoıylǵan aýyldan turǵyn júk kóligimen qus etin shyǵarmaq boldy
PETROPAVL. KAZINFORM – Soltústik Qazaqstan oblysy Shahovskoe eldi mekeniniń turǵyny shekteýge qaramastan qus etin shyǵaryp, satpaq bolǵan.
Soltústik Qazaqstan oblystyq polıtsııa departamenti baspasóz qyzmetiniń málimetinshe, aýyldan shyǵa beriste Qyzyzjar aýdany polıtsııa bóliminiń qyzmetkerleri júk kóligin toqtatqan. Onyń ishinen 39 qap qaz eti tabyldy. Júk ıesiniń eshqandaı ruqsat qujattary bolmaǵan.
– Et ónimi tolyq tárkilenip alyndy. Protsestik sheshim qabyldaý úshin Qyzyljar aýdanynyń veterınarııalyq qyzmet mamandaryna tapsyryldy, - delingen baspasóz habarlamada.
Esterińizge salaıyq, SQO Shahovskoe eldi mekeninde úı qustary jappaı qyrylyp, veterınarııalyq qyzmet qarasha aıynyń sońynda eldi mekenge shekteý sharasyn qoldandy. Resmı saraptama qustardyń pasterellezden ólgenin kórsetti.
Sońǵy málimet boıynsha, eldi mekende qyrylǵan qustardyń sany 7 myńnan asqan.
