SQO-da sharýashylyqtan asyl tuqymdy 50 buzaýdy urlaǵan kúdiktiler ustaldy
PETROPAVL. KAZINFORM – Soltústik Qazaqstan oblysy Tımırıazev aýdanynyń polıtsııa bólimine jergilikti sharýashylyqtardyń biriniń dırektory maly urlanǵanyn aıtyp, kómekke júgindi.
SQO polıtsııa departamenti baspasóz qyzmetiniń málimetinshe, mal basyn túgendeý kezinde áýlıekól tuqymdy 50 bas buzaýdyń jetispeıtinin anyqtaǵan. Keltirilgen shyǵyn somasy – 5 mln 800 myń teńge.
Sharýashylyq kúzetilmeıdi. Beınebaqylaý kameralary da ornatylmaǵan. Urlyqtyń da naqty qashan jasalǵany belgisiz. Polıtseıler jedel-izdestirý is-sharalary barysynda kásiporynnyń 24 jáne 25 jastaǵy eki jumysshysynyń urlyqqa qatysy baryn anyqtady.
Kúdiktilerdiń sózinshe, buzaýlardy olar birneshe reıspen urlap, aýdannyń ár túrli adamdaryna satqan. Qazirgi ýaqytta qujatsyz satyp alǵan turǵyndardan 25 bas buzaý qaıtaryldy, qalǵany boıynsha jumys júrgizilip jatyr. Al kúdiktiler endi 3 jyldan 7 jylǵa deıin bas bostandyǵynan aıyrylýy múmkin.
Esterińizge salaıyq, buǵan deıin mal urlyǵy qaı óńirlerde kóp jasalatyny týraly jazǵan edik.