SQO-da sharýashylyqtan 7,6 mln teńgeniń gerbıtsıdi urlandy
PETROPAVL. KAZINFORM – Soltústik Qazaqstan oblysy Jambyl aýdanyndaǵy sharýashylyqtardyń birinen 7,6 mln teńgeniń gerbıtsıdi urlandy. Seriktestik basshysy preparattyń urlanǵandyǵyn polıtseıler kúdiktini ustaǵan kezde ǵana bilgen.
SQO Polıtsııa departamenti baspasóz qyzmetiniń málimetinshe, uıymdasqan qylmysqa qarsy kúres basqarmasynyń qyzmetkerleri jedel aqparatpen jumys isteýdiń arqasynda kúdiktilerdi anyqtap, ustaǵan.
Tamyz aıynda Jambyl aýdanynda tártip saqshylary oblys prokýratýrasymen jáne 6637 áskerı bólimi «B» tobynyń qyzmetkerlerimen birge 29 jastaǵy petropavldyq basqarǵan Toyota Prado avtokóligin toqtatady. Avtokólikten jalpy kólemi 200 lıtr bolatyn 40 kanıstr gerbıtsıd tabyldy.
«Qyzyljar aýdanyndaǵy qoımadan taǵy bir partııa preparat tabyldy, al Petropavldaǵy jalǵa alynǵan avtotirkemeden bizdiń qyzmetkerler urlanǵan gerbıtsıdti quıý úshin daıyndalǵan bos kanıstrlerdi tárkiledi. Urlyqty jasady degen kúdikpen kásiporynnyń 31 jastaǵy jumysshysy ustaldy. Urlanǵan gerbıtsıdterdiń jalpy kólemi 460 lıtr. Jaýapkershiligi shekteýli seriktestikke osylaısha 7,6 mln teńge shyǵyn keltirgen», - deıdi SQO polıtsııa departamenti bastyǵynyń orynbasary Asqar Muhametqalıev.
Іri kólemde birneshe ret urlyq jasaǵany úshin endi kúdiktiler 7 jylǵa deıin bas bostandyǵynan aıyrylýy múmkin. Urlanǵan múlik tergeý áreketteri aıaqtalǵannan keıin zańdy ıesine qaıtarylady.
Buǵan deıin Oralda 39 ret jol erejesin buzǵan júrgizýshige 1 mln teńge aıyppul salynǵanyn jazǵan edik.
