SQO-da sharýalar 133 mln teńge demeýqarjydan qaǵyldy
PETROPAVL. QazAqparat - Soltústikqazaqstandyq sharýalar aqparattyq júıeniń durys istemeýinen 133 mln teńgeden qaǵyldy, dep habarlaıdy QazAqparat tilshisi.
«Lıder» sharýa qojalyǵynyń jetekshisi Vıktor Mamaev kásipkerler palatasyna aryzdandy. Byltyr dıhan tyńaıtqyshtarǵa beriletin demeýqarjyny ala almapty. Ol «bul oqıǵa bıyl da qaıtalanýy múmkin» dep otyr.
2004 jyly qurylǵan «Lıder» ShQ Aqqaıyń aýdanynda ornalasqan. Onyń 1 myńǵa jýyq gektar egistik jeri bar. Byltyr astyqtyń sapasyn arttyrý maqsatynda 64 tonna «Ammofos» tyńaıytqyshyn satyp alǵan.
«Byltyr ońtústiktegi zaýyttan 8 mln teńgege mıneraldyq tyńaıtqysh satyp aldym. Jumsalǵan qarajattyń 50 paıyzyn memleket sýbsıdııa túrinde qaıtarý kerek bolatyn. Alaıda, meniń qolyma 4 mln teńge tımedi. Byltyrdan bastap demeýqarjy aqparattyq júıe arqyly berile bastady. ıAǵnı jeńildik alý úshin biz osy júıege onlaın ótinish berýimiz kerek. Biraq oǵan biz tirkele almaımyz, sebebi 2007 jyly alǵan bıznes sáıkestendirý nómirimiz talapqa saı kelmeıdi. Biryńǵaı sáıkestendirý nómirin (BSN) jańa úlgide tirkep berýdi suraımyz», -deıdi Vıktor Mamaev.
Qyzyljar aýdanyndaǵy «Zolotılın S.A» sharýa qojalyǵy da demeýqarjyny almaǵan. 12 shaǵyn sharýashylyq birikkenimen júıege tirkelgen kezde olardyń qaramaǵyndaǵy jerdi kórsetpeıdi eken.
«Biz fermerlik sharýashylyq retinde BSN-dy aldyq, zańdy tulǵamyz. Biraq byltyr demeýqarjydan qaǵyldyq, óıtkeni baǵdarlama durys qurastyrylmaǵan. Bizdiń barlyq alqabymyz jeke tulǵalardyń JSN-yna tirkelgen. BSN-dy engizgen kezde bizdiń jerlerimizdi kórsetpeıdi», - deıdi «Zolotılın S.A» ShQ jetekshisiniń orynbasary Maksım Zolotılın.
Byltyr biryńǵaı aqparattyq júıeniń kesirinen óńirde 84 sharýa osylaısha sýbsıdııadan qaǵyldy. Bul jerde adamı faktor joq. Aýyl sharýashylyǵy mınıstrliginiń tapsyrysymen ázirlengen baǵdarlamanyń jetildirer tustary kóp.
Oblystyq kásipkerler palatasynyń bólim basshysy Aıdos Keńbeıilovtyń aıtýynsha, baǵdarlamany Astana qalasyndaǵy «Aqparattyq eseptik ortalyq» aktsıonerlik qoǵamy ázirlegen. Ol fermerlerdiń aty-jónin, olar paıdalanatyn jer aýmaǵyn durys kórsetpeıdi. Bul júıe sharýashylyqtar jaıyndaǵy barlyq derekterdi túrli vedomstvolardan jınap biriktirýi qajet edi. Alaıda, Memlekettik kirister komıteti «qupııa aqparat» dep derekterdi berýden bas tartqan.
«Demeýqarjynyń sharýalardyń qolyyna tımeı jatqandyǵy jóninde tez arada Aýyl sharýashylyǵy mınıstrligin habardar etý kerek. Sondaı-aq máseleniń mán-jaıyn anyqtaýy úshin Bas prokýratýraǵa júginemiz. Aýylsharýashylyǵy taýaryn óndirýshilerdiń quqyǵy óreskel buzylyp, olardyń shyǵyn shegip jatqany «Atameken» ulttyq kásipkerler palatasy deńgeıinde qaralatyn bolady», - deıdi SQO Kásipkerler palatasy janyndaǵy kásipkerlerdiń quqyǵyn qorǵaý keńesiniń tóraǵasy Inessa Qýanova.
Bıyldan bastap osy aqparattyq júıe arqyly ótinishter mıneraldy tyńaıtqyshtarǵa ǵana emes, gerbıtsıd pen janar maı alýǵa da qabyldanbaqshy.
