SQO-da Sharlyq ózeniniń deńgeıi bir táýlikte 1,5 metrge kóterildi

PETROPAVL. KAZINFORM – Soltústik Qazaqstan oblysynda keı ózenderdiń sý deńgeıi bir táýlikte metrlep kóterilip jatyr. Ázirge sý aıdyndarynan keler qaýip joq.

«Qazgıdromet» kásiporny oblystyq fılıalynyń málimetinshe, bir táýlikte Sharlyq ózeni Rýzaevka aýylynyń mańynda 153 sm-ge, Andreevka aýylynyń mańynda 93 sm-ge, Aqqanburlyq ózeni Vozvyshenka eldi mekeniniń mańynda 128 sm-ge kóterilgen. Babyq Burlyq, Imanburlyq, Muqyr ózenderiniń de sýy birtindep kóterilip jatyr. 

Al Shóptikól aýylynyń mańynda Esil ózeni sýynyń deńgei ótken táýlikte 76 sm-ge, Drýjba eldi mekeni mańynda 57 sm-ge, Toqsan bı aýylynda 33 sm-ge joǵarylaǵan. 

Sergeev sý qoımasynda sý deńgeıi ótken táýlikte 8 sm-ge artty. Qazir gıdrologııalyq nysan 97,5% tolyp tur. 

Sınoptıkterdiń boljamynsha, jyly aýa raıy aldaǵy kúnderi saqtalady. Erteń óńirdiń ońtústik aýdandarynda synap baǵanasy +20 S gradýsqa deıin kóterilmek. 

Buǵan deıin QR Tótenshe jaǵdaılar mınıstrligi qaı óńirlerge sý basý qaýpi tónip turǵanyn aıtqan edi.