SQO-da shamadan tys júk artqan kólik júrgizýshileri 29 mln teńge aıyppul tóledi
PETROPAVL. QazAqparat – Soltústik Qazaqstan oblysynda kólikti baqylaý ınspektsııasy shamadan tys júk artyp, joldy búldirip jatqan kólik júrgizýshilerine jyl basynan 95 ákimshilik hattama toltyrdy, dep habarlaıdy QazAqparat tilshisi.
Júk kólikteriniń belgilengen mólsherden júkti asyrmaýy oblys joldaryndaǵy úsh kóshpeli beket arqyly baqylanady. Olar qajetti tehnıkalyq qondyrǵymen tolyq jabydyqtalǵan.
«Jolǵa shyqqan júk kóligi salmaǵyn ár oske 8 tonnadan asyrmaýy kerek. Al úsh bilikti kóliktiń jalpy salmaǵy 25 tonnadan artpaýy tıis. Aıyppul somasy az emes. Shaǵyn bıznes sýbektisi júk tıeý normasyn 1-5 tonnaǵa asyrsa 80 AEK mólsherinde nemese 220 myń teńge aıyppul tóleıdi. Orta kásipkerlik sýbektisine 180 AEK - 500 myń teńge aıyppul salynady», - deıdi SQO boıynsha kóliktik baqylaý ınspektsııasynyń basshysy Rýslan Seıtalın.
Jyl basynan júk tasymaldaýshylarǵa qatysty 95 ákimshilik is qozǵaldy. Salynǵan aıyppul kólemi – 14 mln teńgeden asady. Onyń 3,5 mln teńgesin júkti jiberýshiler tólegen.
«Aýyr júk kólikteri bar kompanııalar negizinen jol qurylysyna tartylǵan. Olar az shyǵyn arqyly mol tabys tabýdy kózdep, tas pen qumdy shamadan tys artady. ıAǵnı bir jaǵynan istep, ekinshi jaǵynan buzyp jatyr. Aıyppul tólegenderdiń basym bóligi osy jol qurylysynda júrgen júk tasymaldaýshylar», - deıdi Rýslan Seıtalın.
Jalpy jyl basynan kólikti baqylaý ınspektsııasy 2,5 myń kólikti tekserip, júk tasymaldaýshylarǵa qatysty 392 ákimshilik materıal toltyrǵan. Aıyppuldyń jıyntyq somasy 29 mln teńge. Zańbuzýshylardy anyqtaýǵa ınspektsııaǵa jergilikti atqarýshy organ ókilderi, tártip saqshylary kómektesken.
Búginde kólikti baqylaý ınspektsııasy 19 túrli memlekettik qyzmet usynady. Sonyń 7-eýi kúre jolda qatynaıtyn júk kóligine qatysty. Jyl basynan olarǵa 600-den astam arnaıy ruqsat berilgen. Nátıjesinde memleketke 39 mln teńge kiris keldi.
