SQO-da Senat depýtattyǵyna 3 úmitker tirkeldi
Qazirgi senator Olga Perepechınanyń ókilettik merzimi aıaqtalady. Alaıda ol saılaýǵa qaıta túspek. Kandıdattardyń ishinde sondaı-aq 1 memlekettik qyzmetshi, kommertsııalyq qurylymnyń 1 qyzmetkeri, bıýdjettik uıymnyń 2 qyzmetkeri bar. Kandıdattardyń 3-i áıel. Úmitkerlerdiń eń jasy – 52-de. Barlyǵy «Nur Otan» partııasynyń músheleri.
«23 shilde saǵat 18:00-den keıin kandıdattar saılaý aldyndaǵy úgit jumystaryna kirisedi. Oblystyq saılaý komıssııasyna ótinishter kelip túsken joq. Barlyq aqparat oblys ákimdiginiń saıtynda, «saılaý bóliminde» ornalastyrylǵan. Búgingi tańda daýys berý orny boıynsha másele qaralyp jatyr. Karantın bolǵandyqtan barlyq sanıtarlyq normalarǵa sáıkes keletin oryn anyqtalady», - deıdi SQO saılaý komıssııasynyń tóraǵasy Erbolat Bekshenov.
Qazirgi ýaqytta bes kandıdattyń úsheýi tirkeldi. Olar: Olga Perepechına, Qabıden Sádýaqasov jáne Dangole Mogýnov.
Aıta keteıik, osy jyldyń 12 maýsymynda Memleket basshysy Qasym-Jomart Toqaevtyń QR Parlamenti Senaty depýtattarynyń saılaýyn 2020 jylǵy 12 tamyzǵa taǵaıyndaý týraly qaýlysy shyqqan edi.
Osyǵan oraı QR Ortalyq saılaý komıssııasynyń onlaın rejımde otyrysy ótip, onda saılaýǵa qatysty kúntizbelik is-sharlar jospary bekitilgen. 13 maýsymnan bastap Senat depýtattyǵyna kandıdattardy usyný bastaldy. Sondaı-aq úmitkerlerge qoıylatyn talaptar jarııa etildi.