SQO-da saılaýshylardyń 70 paıyzy daýys berdi
SQO saılaý komıssııasynyń tóraǵasy Tilegen Qaskınniń aıtýynsha, saǵat 16.00-degi jaǵdaı boıynsha, óńirdegi saılaýshylardyń 70,71 %-y óz tańdaýyn jasady.
«Aıyrtaý, Aqjar, Jambyl, Shal aqyn jáne Ǵ.Músirepov atyndaǵy aýdanda barlyq saılaýshylardyń 73 %-y daýys berdi. Ýálıhanov pen M.Jumabaev aýdanynda joǵary belsendilik baıqalady, saılaýshylardyń shamamen 80 %-y tańdaý jasap úlgerdi. Taıynsha aýdanynda turǵyndar daýys berýge asyǵar emes. Munda saılaýshylardyń tek 53 %-y ǵana osy ýaqytta tańdaýyn jasady», - deıdi Tilegen Qaskın.
Óńir «qyzyl» aımaqta. Sol sebepti saılaý ýchaskelerinde sanıtarııalyq talaptar qatań saqtalǵan.
«Ótken táýlikte SQO-da koronavırýs juqtyrýdyń 141 jaǵdaıy tirkeldi. Epıdemıologııalyq jaǵdaı turaqsyz. Aýyrǵandar sany artyp keledi. COVID-19 taralýyn boldyrmaý maqsatynda barlyq epıdemııaǵa qarsy is-sharalardy qatań saqtaý qajet», - deıdi brıfıngke qatysqa SQO sanıtarııalyq-epıdemıologııalyq baqylaý departamentiniń basshysy Áse Jumataev.
QR Bas memlekettik sanıtarııalyq dárigeri orynbasarynyń 25.06.2021 jylǵy №29 qaýlysyna sáıkes saılaý protsesiniń barlyq qatysýshylary:
1) bir ret qoldanylatyn medıtsınalyq nemese qorǵanys maskalaryn kııý rejımin saqtaýǵa;
2) qoldy dezınfektsııalaý úshin antıseptıkalyq quraldardy paıdalanýǵa;
3) adamdar arasyndaǵy áleýmettik qashyqtyqty saqtap, bir-birinen keminde 1,5-2 metr qashyqta bolýǵa;
4) qol alysýdan nemese tikeleı baılanystyń basqa túrlerinen aýlaq bolýǵa tıis.
SQO polıtsııa departamenti bastyǵynyń minetin atqarýshy Qanat Aıtbaevtyń aıtýynsha, polıtsııa qyzmeti kúsheıtilgen tártipte qyzmet atqarýda. Jaǵdaı baqylaýda, saılaý tynysh ótip jatyr. Osy ýaqytqa deıin zań buzýshylyqtar tirkelgen joq.
