SQO-da saılaý kúni kemshilikter anyqtalǵan joq
ASTANA. QazAqparat - QR Parlament Májilisine jáne máslıhattar depýttaryna daýys berý barysy zań buzýshylyqsyz, ashyq ótti. Búgin Ortalyq kommýnıkatsııalar qyzmetinde ótken brıfıngte SQO boıynsha saılaýdy baqylaý jónindegi óńirlik járdemdesý ortalyǵynyń baıqaýshylary osylaı málim etti.
«Bizdiń Soltústik Qazaqstandaǵy fılıalymyz saılaý naýqanynyń barlyq kezeńine monıtorıng júrgizdi. Bul rette barlyq úderis ashyq ári zańnama talaptaryna sáıkes ótkizildi», - dedi ortalyqtyń jetekshisi Sergeı Hýdıakov.
Jalpy SQO-daǵy daýys berý barysyn baıqaýǵa óńirdegi 13 aýdan men Petropavl qalasyndaǵy árbir saılaý ýchaskesinde 697 baıqaýshy tartyldy.
«Saılaý kúninde bizdiń saılaýshylar joǵary belsendilik tanytty. Ýchaskeler joǵary deńgeıde daıyndalyp, saılaý komıssııalary halyqqa tıisti jaǵdaıdy jasady», - dedi S. Hýdıakov.
