SQO-da saýda ortalyqtary tekserilip jatyr
PETROPAVL. QazAqparat - Soltústik Qazaqstan oblysynda qaýipi joǵary nysandardy jospardan tys tekserý bastaldy, dep habarlaıdy «QazAqparat» HAA tilshisi.
Óńirlik kásipkerler palatasynyń baspasóz qyzmetinde atap ótkendeı, tekseris búginnen bastalǵan.
«Oblystyq TJD ókilderi qaýpi joǵary nysandardy jospardan tys tekserýge kirisip ketti. Bul tizimge bizdiń óńirdegi 30 nysan kirgen. SQO kásipkerler palatasy bızneske qysym jasaý jáne jemqorlyqqa jol bermeý úshin osy tekserýlerge palata nemese basqa da qoǵamdyq uıymdar ókilderiniń qatysý múmkindigi týraly habarlaıdy», - dedi palata dırektorynyń orynbasary Jeńis Qazıev.
SQO TJD-da búgin saýda úıleriniń basshylarymen dóńgelek ústel ótti. Vedomstvonyń baspasóz qyzmeti atap ótkendeı, onda órt qaýipsizdigin qamtamasyz etý máseleleri qaralǵan.
Departament bastyǵynyń orynbasary Erik Sarybaev órt qaýipsizdigin qamtamasyz etýge nysandardyń birinshi basshylary jaýapty ekendigin atap ótti.
