SQO-da satylyp jatqan qaýyn-qarbyzdyń quramynda nıtrat bar ma
Qoǵamdyq densaýlyqty saqtaý departamenti baspasóz qyzmetiniń QazAqparatqa aıtýynsha, «Fıtosanıtarııa» zerthanasynyń mamandary jarty jylda 1,4 myńnan astam ónimniń, sonyń ishinde respýblıkanyń ońtústik óńirlerinen jáne alys shetelderden ákelingen baqsha daqyldarynyń synamasyn tekserdi. Tekseristerdiń qorytyndysyna sáıkes, olardyń quramynan zııandy zattar tabylmaǵan.
«Qalalyq qoǵamdyq densaýlyqty saqtaý basqarmasy bazarlarda jáne qaladaǵy iri saýda úılerinde ekspress-zerthana jumysyn uıymdastyryp jatyr. Petropavldyqtar ol jerde ónimniń quramynda nıtrat azotynyń bar-joǵyn tegin tekserte alady», - deıdi baspasóz qyzmetiniń ókilderi.
Taıaýda ǵana mamandar 143 synamany teksergen bolatyn. Qalalyqtar ekspress-zerthanaǵa ákelgen ónimniń barlyǵy normatıvtik talaptarǵa sáıkes bolyp shyqty.
Shildeniń sońy men tamyz aıynyń basynda Soltústik Qazaqstan oblysyna ońtústik óńirlerden baqsha ónimderi molynan ákelinedi.
«Fıtosanıtarııa» toksıkologııalyq zerthanalary «Dostyq» jáne «Ońtústik» kóterme saýda bazarlarynda ornalasqan. Tekseris kezinde ónimniń quramyndaǵy qaldyq pestıtsıdterdiń, nıtrattardyń, nıtrıtterdiń, aýyr metaldar tuzdarynyń qaldyq mólsherine saraptama júrgiziledi.