SQO-da satyp alýshynyń qyraǵylyǵy mal urlyǵyn jedel ashýǵa kómektesti
ASTANA. KAZINFORM — Soltústik Qazaqstan oblysy Ýálıhanov aýdanynyń turǵyny erkin jaıylymnan bes jastaǵy buqashyǵynyń joǵalǵany týraly polıtsııaǵa júgindi, dep habarlaıdy Polisia.kz.
Tártip saqshylary kúdiktiler sheńberin pysyqtaýǵa kiristi: beınebaqylaý jazbalaryn zerttep, yqtımal ótkizý arnalary tekserildi, kórshi óńirlerge baǵdarlamalar joldandy.
Qylmyskerlerdiń izi anyqtalyp jatqan kezde Aqmola oblysynan habarlama kelip tústi. Onda kásipker ózine usynylǵan etti urlanǵan malǵa tıesili ekenin tanyǵan. Mal ıesi urlyqtan keıin birden fermerler men satyp alýshylardy biriktiretin chattarǵa habarlama ornalastyrǵan.
Qyraǵy kásipker buqashyqtyń basyn tanyp, kúdikti satýshylar týraly polıtsııaǵa habarlaǵan. Sonyń arqasynda tártip saqshylary kúdiktilerdi qysqa merzimde ustady.
— Olar 26 jáne 27 jastaǵy Aqmola oblysynyń turǵyndary bolyp shyqty. Qazirgi ýaqytta olar qamaýda. Olardyń SQO, Aqmola jáne Pavlodar oblystary aýmaǵynda jasalǵan uqsas qylmystarǵa qatysy tekserilip jatyr. Urlanǵan et ıesine qaıtaryldy, — delingen habarlamada.
Aıta keteıik, jyl basynan beri SQO-da mal urlyǵynyń 2 deregi tirkeldi. Ekinshi oqıǵa Aıyrtaý aýdanynda bolyp, onda qoradan 3 qoı urlanǵan. Eki qylmys ta ashyldy.
Osyǵan deıin Jambyl oblysynda mal urlyǵymen aınalysqan eki top ustalǵanyn jazdyq.
