SQO-da sańyraýqulaq terýge shyqqandar ormannan er adamnyń máıitin tapty
PETROPAVL. QazAqparat – Petropavl qalasynyń mańyndaǵy ormandardyń birinen sańyraýqulaq terýge shyqqandar aǵashqa asylǵan er adamnyń máıitin tapty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, Ombyǵa baratyn aınalma tas joldyń boıyndaǵy ormandardyń birinde aǵashqa asýly turǵan er adamnyń máıitin 13 qazanda sańyraýqulaq terýshiler kórip, quqyq qorǵaý organdaryna habarlady.
Oqıǵa ornyna shyqqan jedel-tergeý toby onyń 1994 jyly týǵan Petropavl qalasynyń turǵyny ekenin anyqtady. Ol osy kúnge deıin iz-tússiz joǵalǵandar tiziminde bolǵan. Sol mańnan er adamnyń qujattary, aqsha jáne bank kartasy tabyldy. Atalǵan fakti sotqa deıingi tergep-tekserýdiń biryńǵaı tizilimine engizildi. Qajetti saraptamalar taǵaıyndaldy.
