SQO-da sanıtar dárigerler tirkelgen shoshqa tumaýynyń belgileri týraly aıtty
SQO sanıtarııalyq-epıdemıologııalyq baqylaý departamentiniń málimetinshe, 14 qazannan bastap oblysta tumaý juqtyrý jaǵdaılary tirkele bastady. Oblysta barlyǵy V tıpti tumaýdyń 244 jáne A tıpti H1N1, ıaǵnı «shoshqa tumaýynyń» zerthanalyq rastalǵan 2 jaǵdaıy anyqtaldy. Aýyrǵan naýqastar tumaýǵa qarsy ekpe almaǵan.
«Shoshqa tumaýy» - A tıpti H1N1 tumaýy vırýsynan týyndaǵan juqpaly aýrý. Vırýstyń bulaı atalýyna ony adamdardyń ǵana emes, úı shoshqalary, qustar jáne basqa da janýarlardyń juqtyrýy sebep.
Alǵash ret «shoshqa tumaýy» SQO-da 2009 jyly tirkeldi.
Mamandardyń aıtýynsha, qazirgi ýaqytta tumaýdyń bul túri adamnan adamǵa aýa tamshylary arqyly taralyp jatyr. Onyń erekshe belgiler joq. «Shoshqa tumaýynda» da bas jáne bulshyqet aýyrady, qurǵaq jótel paıda bolyp, murynnan sý aǵady, temperatýra 38-39° deıin kóteriledi. Aýrýdyń tez damyp, syrqatta jalpy álsizdik bolady.
«Shoshqa tumaýyn», jalpy juqpaly dertti juqtyrmaý úshin vaktsına qoıdyrǵan tıimdi. Sondaı-aq, sanıtar dárigerler qarapaıym saqtyq sharalaryn qoldanýǵa – adam kóp shoǵyrlanǵan jerlerge barmaýǵa, maska taǵýǵa, áleýmettik ara qashyqtyqty saqtaýǵa, dárýmender iship, ımmýnıtetti kúsheıtýge keńes beredi.