SQO-da sanıtar dárigerler monıtorıng barysynda tutynýshyny aldaý faktilerin anyqtady
SQO sanıtarııalyq-epıdemıologııalyq baqylaý departamentiniń málimetinshe, mamandar 106 saýda nysanynan 1496 ónim úlgisin zerttegen. Sonyń 247-si, ıaǵnı 16,5 %-y tehnıkalyq reglament jáne sanıtarlyq ereje talaptaryna saı kelmegen.
«Alynǵan 1496 synamanyń 961-i azyq-túlikke jatady. Sonyń ishinde 194-i otandyq óndirýshilerdiń ónimi. Zertteý nátıjesi boıynsha 247 synamanyń basym bóligi, 54,2 %-y – Eýrazııalyq ekonomıkalyq odaq memleketterinde shyǵarylǵan. 37,6 %-y – basqa shetelden ákelinse, 8,9 %-y – otandyq ónim», - deıdi sanıtar dárigerler.
Synamalardy zertteý kezinde tutynýshylardy aldaý faktileri de anyqtalǵan. ıAǵnı qaptamasynda jazylǵan aqparat pen ónim quramy sáıkes kelmegen. Bul barlyq anyqtalǵan jaramsyz ónimniń 5,07 %-y. Sondaı-aq 7,03 %-y mıkrobıologııalyq, sanıtarlyq-hımııalyq jáne qaýipsizdik kórsetkishterine saı kelmegen, 4,3 %-ynyń fızıka-hımııalyq kórsetkishteri durys bolmasa, sapaǵa saı emes ónimniń eń úlken úlesi - 82,8 %-y tańbalaýǵa qatysty.
«Azyq-túlikpen qatysy bar jeke kásipkerler men zańdy tulǵalar ónimniń, jumystar men kórsetiletin qyzmetterdiń adam úshin qaýipsizdigin qamtamasyz etý maqsatynda óndiristik baqylaýdy júzege asyrýǵa mindetti. Kásiporyndarda óndiristik baqylaý baǵdarlamalary bolýy tıis, zerthanalyq zertteýler akkredıttelgen nemese attestattalǵan zerthanalarmen shart negizinde júzege asyrylady», - deıdi mamandar.
SQO-da 247 azyq-túlik ónerkásibiniń nysany bar, onyń 78-i tıisti kelisim-shart jasap jumys istep jatyr. Sanıtar dárigerlerdiń aıtýynsha, barlyq jaýapkershilik tek óndirýshige júkteledi, eger tekserý kezinde óndiristik baqylaý baǵdarlamasy bolmasa, jaza, ıaǵnı aıyppul qarastyrylǵan.
Buǵan deıin SQO-da synamasy alynǵan balalar oıynshyqtarynyń da 61 %-y talapqa saı bolmaı shyqqanyn aıtqan edik.
