SQO-da sanatorlyq mektep-ınternattyń eki oqýshysy koronavırýs juqtyrdy
PETROPAVL. QazAqparat – Soltústik Qazaqstan oblysyndaǵy Mamlıýt sanatorlyq mektep-ınternatynyń eki oqýshysynda koronavırýs ınfektsııasy anyqtaldy, dep habarlaıdy QazAqparat tilshisi.
SQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, 25 qazan kúni Mamlıýt sanatorlyq mektep-ınternatynyń 1 jáne 9 synyp oqýshylary arasynda KVI-ǵa zerthanalyq zertteý júrgizilgen. Nátıjesinde eki oqýshyda qaýipti ınfektsııa bary anyqtaldy.
Al 2004 jáne 2014 jyldary týǵan balalarda oblystyq kópsalaly balalar aýrýhanasynyń ınfektsııalyq bólimshesine emdeýge jatqyzý kezinde anyqtaldy. Olar emdeý mekemesine jiti respıratorlyq vırýstyq ınfektsııa jáne enterovırýstyq ınfektsııa belgilerimen túsken edi.
«Qazirgi ýaqytta naýqastar men baılanysta bolǵandardyń jaǵdaıy qanaǵattanarlyq, aýyryp qalǵan balalar statsıonarda emdelip jatyr. Epıdemıologııalyq tekserý kezinde 17 adamnyń baılanysta bolǵany anyqtaldy. Olardyń barlyǵy medıtsınalyq baqylaýǵa alyndy. Oshaqta qorytyndy dezınfektsııa júrgizildi», - delingen baspasóz habarlamasynda.
SQO-da 1 qyrkúıek pen 29 qazan aralyǵynda oqýshylar arasynda koronavırýs juqtyrýdyń 32 jaǵdaıy tirkeldi, onyń ishinde 17 jaǵdaıda ǵana balalar shtattyq rejımde oqyǵan.
