SQO-da salynbaǵan joldyń aqshasyn jymqyrǵan sheneýnikter ustaldy
Qarjylyq monıtorıng agenttigi Soltústik Qazaqstan oblysy boıynsha departamentiniń qyzmetkerleri «Aýyl – el besigi» memlekettik baǵdarlamasy boıynsha asa iri kólemde bıýdjet qarajatyn jymqyrý faktisin anyqtady.
«Jol tósemi bolmaı turyp, paıdalanýǵa berý týraly qujattarǵa qol qoıyldy. Josparlanǵan 53,5 shaqyrym joldyń 27 shaqyrymy joq. Keltirilgen shyǵyn kólemi shamamen 450 mıllıon teńgeni qurady. Ǵ.Músirepov atyndaǵy aýdanda jol salý kezinde jymqyrý faktisi boıynsha qozǵalǵan qylmystyq isti tergeý nátıjesinde urlyqqa qatysy bar tulǵalar anyqtaldy. Іs sotqa jiberildi», - dep jazdy vedomstvodan.
Jergilikti turǵyndar úshin bul joldyń salynýy oblys ortalyǵynan shalǵaı ornalasqandyqtan áleýmettik mańyzy bar. QMA Soltústik Qazaqstan oblysy boıynsha departamentiniń osyndaı jumystardy júrgizýi qazirgi ýaqytta keıbir ýchaskeleri jumys istep turǵan tas jol qurylysyn qalpyna keltirýge múmkindik berdi.
