SQO-da sálemdeme sýpermarketi ashyldy
ASTANA. QazAqparat - Soltústik Qazaqstan oblysynyń ákimi Erik Sultanov alǵashqy sálemdeme sýpermarketi men jańǵyrtylǵan «Qazposhta» AQ SQOF ortalyq operatsıalyq ýchaskesiniń ashylýyna qatysyp, qurylymdyq bólimshe ókilderine jańa avtokólikterdiń kiltterin tabystady.
Bul týraly oblystyq ákimdiktiń baspasóz qyzmeti habarlady.
«Soltústik Qazaqstandyq oblystyq fılıaly óńirdiń 700 eldi mekenine qyzmet etedi. Poshta salasynda árdaıym qyzmettiń jańa túrleri engiziledi, halyqqa qyzmet kórsetý sapasy jaqsaryp, qyzmet túrleri keńeıtiledi»,- dedi oblys ákimi.
Óz kezeginde «Qazposhta» AQ Basqarma basshysy Baǵdat Mýsın óz sózinde jańǵyrtylǵan poshta bólimsheleri elimizdiń qalalary men aýyldarynda ashylatynyn atap ótti.
Sondaı-aq, óńir basshysy Erik Sultanov «Qazposhta» AQ bólimsheleriniń qyzmetkerlerine GPS qurylǵylarymen jabdyqtalǵan jańa avtokólikterdiń kiltterin tabystady.
Keıin óńir basshysy men is-shara qonaqtary sálemdeme sýpermarketi men jańǵyrtylǵan ortalyq operatsıalyq ýchaskesiniń jumysymen tanysty.
