SQO-da «saqaldy» qurylystardyń biri aıaqtaldy
PETROPAVL. KAZINFORM – Soltústik Qazaqstan oblysynda sybaılas jemqorlyqqa qarsy qyzmettiń aralasýynan keıin uzaqqa sozylǵan turǵyn úı qurylysy aıaqtaldy.
Vedomstvonyń baspasóz qyzmetiniń málimetinshe, Shal aqyn aýdany Sergeevka qalasynda qurylysy bastalǵan 27 páterli turǵyn úı 2022 jyldyń basynda paıdalanýǵa berilýi tıis edi. Alaıda 2023 jyldyń sońyna qaraı ǵımarattyń tek 1-shi qabaty ǵana turǵyzyldy. Jobanyń bastapqy quny 324,8 mln teńge bolsa, nysan qurylysy «G5 Maintenanse services company» JShS júkteldi.
Oblystyń sybaılas jemqorlyqqa qarsy qyzmetiniń aralasýynan keıin, tapsyrys berýshiniń bastamasymen jobany merziminde aıaqtamaǵan merdigermen shart buzyldy.
Turǵyn úı qurylysyn QR ІІM qylmystyq atqarý júıesi komıtetiniń «Eńbek» ShJQ RMK atqardy. Merdiger uıym barlyq jumysty kestege sáıkes oryndady. Halyqtyń áleýmettik osal toptaryna arnalǵan turǵyn úıde jaqynda qonys toıy toılandy.
Buǵan deıin SQO-da 57 mektep dırektorynyń orny bos turǵanyn jazǵan edik.