SQO-da ruqsat etilmegen polıgon úshin aýdan ákimdikteriniń qyzmetkerleri jaýapqa tartyldy

ASTANA. KAZINFORM – Soltústik Qazaqstan oblysynyń prokýrorlary qatty turmystyq qaldyqtardy jınaý, tasymaldaý, suryptaý jáne kádege jaratý boıynsha buzýshylyqtardy anyqtady. Bul týraly Soltústik Qazaqstan oblysynyń prokýratýrasy málimdedi. 

Jergilikti atqarýshy organdardyń laýazymdy tulǵalary Kodekstiń 365-baby 4-tarmaǵyn buza otyryp, oblysta kommýnaldyq qaldyqtardy basqarý baǵdarlamasyn bekitpegen. Atap aıtqanda, aýdan ákimdikteri Kodeks talaptaryna qaıshy, qatty turmystyq qaldyqtardy jınaý, tasymaldaý, suryptaý jáne kádege jaratý boıynsha halyqqa arnalǵan tarıfterdi áli bekitpegeni anyqtaldy.

«Oblystyń barlyq aýdandarynda Kodeks talaptaryn buza otyryp, ýákiletti organ kommýnaldyq qaldyqtardy qalyptastyrý jáne jınaqtaý normalaryn esepteý qaǵıdalaryn qabyldamaǵan, al ákimdikterdiń jaýapty tulǵalary qatty turmystyq qaldyqtardy bólek jınaý jumystaryn uıymdastyrmaǵan. Aqqaıyń, Mamlıýt, Qyzyljar aýdandarynda ruqsat etilmegen (apatty) 10-nan astam polıgon anyqtaldy» - delingen habarlamada.

Prokýrorlyq qadaǵalaý aktisi boıynsha laýazymdy tulǵalar zańda belgilengen jaýapkershilikke tartylyp, apattyq polıgondar joıyldy, sondaı-aq oblys ákimdigimen kommýnaldyq qaldyqtardy qalyptastyrý jáne jınaqtaý normalary, tarıfter men baǵdarlamalardy ázirleý boıynsha Jol kartasy bekitildi.