SQO-da respýblıkalyq mańyzdaǵy jáne 4 aýdandaǵy joldar jabyq

PETROPAVL. QazAqparat – Soltústik Qazaqstan oblysynda aq tútek borannyń saldarynan joldar jabylyp, jedel qyzmetter kezekshilik atqaryp jatyr, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, óńirdiń ásirese Aıyrtaý aýdanynda boran uıytqyp tur. Tótenshe jaǵdaıdyń aldyn alý maqsatynda patrýldi polıtsııa batalonynyń ekıpajdary joldardy baqylaýǵa alǵan.

«Saýmalkólden Rýzaevkaǵa deıin birneshe jerde joldy qar basyp qalǵan. Qazir ol jerde qar tazalaǵysh tehnıka jumys istep jatyr», - deıdi patrýldik polıtsııa batalonynyń ınspektory Asqat Baqytjanov.

Mamlıýt aýdanynda reseılik júk kóliginiń júrgizýshisi jolda qaldy. Samara qalasynyń turǵyny Alekseı Dodaev mashınany burý kezinde rýlge ıe bola almaı qalyp, 10 tonna bıoqospa artylǵan kólik jyraǵa túsip ketken. Oqıǵa ornyna patrýldik polıtsııa qyzmetkerleri jetti. Kómek kórsetýge aýdandyq polıtsııa bóliminiń qyzmetkerleri, qutqarýshylar jáne «Qazavtojol» mamandary tartyldy. Kóptep-kómektep olar júk kóligin qar keptelisinen shyǵardy. Alǵysyn jaýdyrǵan shetel azamaty Ekaterınbýrg qalasyna jolyn jalǵady.

Qazir SQO-da respýblıkalyq mańyzdaǵy joldarmen birge Aıyrtaý, Tımırıazev, Jambyl jáne Shal aqyn aýdandarynda kólik qozǵalysyna tyıym salyndy. Joldarda qar tazalaǵysh tehnıka jumys istep jatyr.