SQO-da respýblıkalyq avtojol ýchaskesi jabyldy
PETROPAVL. QazAqparat – Soltústik Qazaqstan oblysynda aýa raıynyń nasharlaýyna baılanysty respýblıkalyq mańyzy bar jol ýchaskesi jabyldy, dep habarlaıdy QazAqparat tilshisi.
Tótenshe jaǵdaılar departamentiniń baspasóz qyzmetiniń habarlaýynsha, saǵat 20:00-den bastap «Tımırıazevo-Sarykól» R-61 jolynyń ýchaskesi 0-32 shaqyrymy (Tımırıazevo aýyly – Qostanaı oblysynyń shekarasy) jabyldy. Munda apatty jaǵdaı týǵyzatyn aýa raıy jaǵdaılary, atap aıtsaq, jaıaý burqasyn baıqalady, jol kórinisi 50 metrge deıin shektelgen.
17-18 naýryz aralyǵynda aımaqta qolaısyz aýa raıyna baılanysty eskertý jarııalandy. Tuman kútiledi, keı jerlerde ońtústik-batystan sekýndyna 15-20 metr jel soǵady.
Avtor: Olesıa Jýkoven
