SQO-da respýblıkalyq jol ýchaskesi toǵyz jyldan beri jóndelip jatyr
PETROPAVL. KAZINFORM – Soltústik Qazaqstan oblysyndaǵy buǵan deıin birneshe ret synǵa túsken respýblıkalyq mańyzy bar «Chelıabi-Novosibir» avtojolynyń ýchaskesinde qazirgi ýaqytta jumys júrip jatyr.
Mamlıýtka qalasynan «Jańa Jol» avtomobıl ótkizý pýnktine deıingi ýchaskeni jańǵyrtý jobasy 2017 jyly bastaldy. Alaıda merdiger kompanııa júktelgen mindetti oryndamaı, sot protsesi uzaqqa sozylyp ketti. 2023 jyly jańa merdiger – «KazStroıTehnık» JShS iske kirisip, bir jyl ishinde jumys aıaqtalýy tıis edi. Biraq jol taǵy da salynbaı qaldy.
«QazAvtoJol» ulttyq kompanııasy oblystyq fılıalynyń dırektory Talǵat Smaǵulovtyń aıtýynsha, 30 km ýchaskede jumys atqarylady. Joba quny – 17,3 mlrd teńge. Qazirgi ýaqytta 13,9 mlrd teńge ıgerilgen. Osy jylǵa taǵy 3,4 mlrd teńge bólindi.
- Bıyl nysandy tolyq paıdalanýǵa berýdi josparlap otyrmyz. Onyń SQO úshin strategııalyq mańyzy bar, óıtkeni Reseımen baılanystyrady. 2022 jyly birinshi merdigermen kelisimshartty buzýǵa týra keldi. Qazir jumys kestege saı atqarylyp jatyr, - deıdi fılıal dırektory.
Jalpy bıyl óńirdegi jol ınfraqurylymyn jańǵyrtýǵa 59 mlrd teńge bólingen, 424 shaqyrym jol jóndeýmen qamtylmaq.
Buǵan deıin SQO-da júk kólik júrgizýshileriniń keıbiri aıyppul tólemeý úshin jalǵan nómirmen júretinin jazǵan edik.
