SQO-da reseılik azamat «Jańajol» shekara beketi arqyly qarý-jaraq ótkizbek bolǵan
PETROPAVL. QazAqparat – Soltústik Qazaqstan oblysyndaǵy «Jańajol» shekara beketi arqyly RF azamaty avtokóliktiń júksalǵyshy toly qarý-jaraqty ótkizbek boldy, dep habarlaıdy QazAqparat tilshisi.
QR UQK ShQ baspasóz qyzmetiniń málimetinshe, Petropavl shekara jasaǵynyń «Jańajol» ótkizý pýnktiniń shekara jasaǵy «Toıota LC-200» avtomashınasynyń 48 jastaǵy júrgizýshisin ustady. RF azamaty Qazaqstanǵa kele jatqan. Onyń avtokóliginiń júksalǵyshyn tekserý barysynda birneshe qarý-jaraq tabyldy.
«Avtokólikten tabylǵan júktiń tolyq tizimi: kolımatorlyq kózdeýishi bar »Remington 870 express« qarýy - 1 dana, 366 kalıbrli »TG-2« qarýy - 1 dana, 12 kalıbrdiń oq-dárileri – 49 dana, 366 kalıbrdiń oq-dárileri – 62 dana, oqjatar – 2 dana, 10h22 kalıbrli »Grandpayer T-10« travmatıkalyq tapanshasy – 1dana«,-delingen habarlamada.
Ustalǵan reseılik azamat qarý-jaraqpen birge Mamlıýt aýdandyq polıtsııa bólimine tapsyryldy.
