SQO-da Reseıden kelgen eki adamnan koronavırýs tabyldy
PETROPAVL. QazAqparat – Soltústik Qazaqstan oblysynda búgin anyqtalǵan eki naýqas óńirge Reseıdiń Túmen jánem Omby qalalarynan kirgen, dep habarlaıdy QazAqparat tilshisi.
Shuǵyl shtab málimetine qaraǵanda, vırýsty juqtyrǵandar elge Reseıden Mamlıýt aýdanyndaǵy Jańajol beketi arqyly kirgen. Olardyń biri – 2000 jyly týǵan stýdent. Túmen qalasynan 15 mamyr kúni keldi. Ekinshisi 1988 jyly týǵan er adam, júk tasymaldaýshy bolyp eńbek etken. Ol shekaradan 16 mamyr kúni ótipti.
Ekeýi de birden COVID-19-ǵa tekserilip, Mamlıýtka qalasynyń karantın statsıonaryna oqshaýlandy.
Qazir baılanystaǵy adamdardyń sany anyqtalyp jatyr. Epıdemıologııalyq tekserý jalǵasady.
Jalpy 17 mamyrdaǵy jaǵdaı boıynsha SQO aýmaǵynda COVID-19 juqtyrýdyń 38 jaǵdaıy tirkelgen, onyń ishinde juqtyrǵan bir adam - Kókshetaý qalasynan.
SQO densaýlyq saqtaý basqarmasy baspasóz qyzmetiniń málimetinshe, búginde juqpaly aýrýlar bóliminde 8 naýqas em alyp jatyr. Provızorlyq statsıonarda 43 adam oqshaýlanǵan.
