SQO-da Reno jáne Nıssan kólik ortalyǵy ashyldy
ASTANA. QazAqparat - Oblys ortalyǵynda mamandyrylǵan «Renault» jáne «Nissan» kólik ortalyǵy ashyldy. Sharaǵa oblys ákimi Erik Sultanov qatysty.
Ákimdiktiń baspasóz qyzmetiniń habarlaýynsha, óńir basshysy ortalyq jetekshileri men qyzmetkerlerin saltanatty ashylý sharasymen quttyqtap, jergilikti bılik tarapynan qajetti qoldaý kórsetilgendigi týraly atap ótti.
«Ýaqtyly tehnıkalyq sharttary jasalyp, qurylysqa arnalǵan jer telimi bólindi. Jańa nysandardyń ashylýy óńirimiz úshin mańyzdy. Bul eń aldymen jańa jumys oryndarynyń ashylýy, bıýdjet kirisiniń artýy, ekonomıkanyń tıimdi ósýi»,-dedi Erik Hamzauly.
«SK Holding Company» JShS dırektory Sergeı Korelchýk óz kezeginde kompanııadaǵy qyzmet kórsetý deńgeıi eýropalyq standartqa saı keletinin atap ótti. Kólik ortalyǵynyń qyzmetkerleri sertıfıkat beriletin oqytýdan ótedi.
Álemniń jetekshi elderiniń kólik ortalyqtary tolyq jeke menshik qarajatqa salynǵan. Soltústikqazaqstandyqtar úshin 72 jańa jumys orny ashyldy.
