SQO-da raqymshylyqpen sottalǵandardyń alǵashqy legi bosatyldy
PETROPAVL. KAZINFORM - Soltústik Qazaqstan oblysynyń túzetý mekemelerinen úsh adam bostandyqqa merziminen buryn bosap shyqty.
Olar - elimizdiń jańa Konstıtýtsııasyna baılanysty qabyldanǵan «Raqymshylyq jasaý týraly» Qazaqstan Respýblıkasy Zańy aıasynda bosatyldy.
SQO boıynsha qylmystyq-atqarý júıesi departamentiniń málimetinshe, raqymshylyqqa alǵashqylardyń biri bolyp ilikkenderdiń ekeýi - er adam jáne bireýi – áıel. Olardyń barlyǵy urlyq jasaǵany úshin sottalǵan. Túzetý mekemeleriniń qaqpasynda bosatynǵandardy týǵan-týystary men jaqyndary qýanyshpen qarsy aldy.
Óńirdiń qylmystyq-atqarý júıesi mekemelerinde qazirgi tańda 1700-den astam sottalǵan jazasyn ótep jatyr. «Qazaqstan Respýblıkasynyń Konstıtýtsııasyna baılanysty raqymshylyq jasaý týraly» Zańǵa sáıkes, osy joly shamamen 100 sottalǵan bosatylýy tıis. Jalpy alǵanda, bul zańnyń ıgiligin 250-den astam adam kóredi. Olarǵa jazanyń ótelmegen bóligin qysqartý nemese zańnamada kózdelgen ózge de raqymshylyq sharalary qoldanylady.
- Raqymshylyqqa ilikken adamdar endi jańa ómir bastaýǵa, otbasymen qaıta qaýyshyp, áleýmettik ortaǵa beıimdelýge jáne zań talaptaryn saqtaı otyryp, qoǵamnyń tolyqqandy múshesi retinde ómir súrýge múmkindik aldy, - deıdi departament ókilderi.
Buǵan deıin Jańa Konstıtýtsııaǵa oraı raqymshylyq jarııalanǵanyn jazǵan edik.
