SQO-da PTR tapsyrǵandardyń 4 paıyzynan ǵana koronavırýs anyqtalǵan
PETROPAVL. QazAqparat – Soltústik Qazaqstan oblysynda koronavırýs juqtyrǵandardyń sany 8 856-ǵa jetse, solardyń 8 101-i emdelip, táýir bolyp shyqty, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, keshe 57 adam koronavırýs juqtyrǵan. Olardyń 33-inde aýrý belgisi bolǵan. Eń kóp aýyrǵandar Petropavl qalasynda - 27 adam.
Jalpy oblysta 4 zerthana PTR zertteý júrgizedi. Pandemııa bastalǵaly oblysta KVI-ǵa 213 216 zertteý júrgizildi. Sonyń tek 4 paıyzynda ǵana nátıje oń bolǵan. Al keshe PTR ádisimen 725 zertteý júrgizildi.
SQO densaýlyq saqtaý basqarmasy baspasóz qyzmetiniń málimetinshe, qazir óńirdegi ınfektsııalyq statsıonarlar 41 % ǵana tolyq. 22 adam aýyr halde jatsa, 41 adam qaıtys boldy.
