SQO-da prokýrorlardyń qadaǵalaý aktisin elemegen laýazymdy tulǵalar jazalandy
PETROPAVL. KAZINFORM – Soltústik Qazaqstan oblysynyń prokýrorlary qadaǵalaý aktileri boıynsha tıisti shara qoldanbaǵany úshin laýazymdy tulǵalardy ákimshilik jaýapkershilikke tartty.
Vedomstvonyń málimetinshe, qadaǵalaý organy jyl basynan beri prokýrorlardyń aktileri boıynsha áreket etpegen memlekettik organdardyń úsh basshysyn Ákimshilik quqyq buzýshylyq týraly kodekstiń 664-baby boıynsha aıyppul túrindegi ákimshilik jaýapkershilikke tartty.
Máselen, Jambyl aýdanynyń ákimdigi «Prokýratýra týraly» Qazaqstan Respýblıkasy Konstıtýtsııalyq zańynyń talaptaryna qaıshy, prokýrorlyq qadaǵalaý aktisi boıynsha bıýdjettik zańnamada jiberilgen olqylyqty joıý boıynsha sharalar qoldanbaǵan.
Osyndaı faktiler Petropavl qalasy ákimdiginiń jer qatynastary bóliminde jáne Aqjar aýdanynyń bilim berý bóliminde anyqtaldy. Olar da prokýrordyń usynysy boıynsha zańbuzýshylyqtardy joıý sharalaryn qoldanbaǵan. Osylaısha bul memlekettik organdardyń laýazymdy adamdary ákimshilik quqyq buzýshylyq jasaǵan.
Qadaǵalaý organynyń qaýlysy boıynsha Jambyl aýdany ákiminiń orynbasary jáne Petropavl qalasy men Aqjar aýdanynyń bólim basshylary aıyppul túrinde ákimshilik jaýapkershilikke tartyldy.
Buǵan deıin bes jylǵa sottalǵan Meıirjan Tórebaevtyń úıine oralǵanyn jazǵan edik.
