SQO-da probatsııa qyzmetinde esepte turǵandar volonterler qataryna ótti
SQO Qylmystyq-atqarý júıesi departamenti baspasóz qyzmetiniń málimetinshe, vedomstvo «Aqparat jáne qoǵamdyq damytý» KMM, SQO ákimdiginiń Іshki saıasat basqarmasymen jáne SQO volonterler klýbymen birlesip probatsııa qyzmetiniń esebinde turǵan adamdarmen jumys isteýge volonterlerdi tartý boıynsha baǵdarlama ázirlep, bekitti. Bul baǵdarlama probatsııa qyzmetinde volonterlikti damytýǵa baǵyttalǵan. Jaýapty kýratorlar bolyp probatsııa qyzmetiniń basshylary taǵaıyndaldy.
Oblystyń aýmaqtyq probatsııa qyzmetteri «Jastar resýrstyq ortalyǵy» KMM-men, volonterler klýbtarymen jáne 1 kolledjben ózara yntymaqtastyq týraly 14 memorandýmǵa qol qoıdy. Jalpy bul jumysqa barlyǵy 153 volonter tartylǵan, onyń ishinde 41-i probatsııa qyzmetiniń esebinde turǵan jáne oń minezdeme alǵan sottalǵandar jáne 11-i jazasyn ótep shyǵyp, sottalǵannan keıin de jańasha ómir bastaýǵa bolatyndyǵyn óz isimen dáleldegender.
«Negizgi is-sharalar qaıyrymdylyq aktsııalaryn, sporttyq jarystardy ótkizýge, «Biz birgemiz» jalpy respýblıkalyq aktsııasyna qatysýǵa, sottalǵandar men halyq arasynda koronovırýstyq ınfektsııanyń aldyn alýǵa jáne t.b.baǵyttalǵan. Probatsııa qyzmetiniń qyzmetkerleri volonterlermen jáne esepte turǵan sottalǵandarmen, kóp balaly jáne turmysy nashar otbasylarǵa, zeınetkerlerge, múgedekterge, qart adamdarǵa kómek kórsetedi. Osyndaı is-sharalardy ótkizý arqyly probatsııa qyzmeti tek muqtaj adamdarǵa jáne qoǵamǵa
ǵana emes, eń mańyzdysy sottalǵandardyń ózderine, olardyń qoǵamǵa da paıdasyn tıgize alatynyn túsinýge kómektesedi», - deıdi SQO boıynsha QAJD Probatsııa qyzmetine basshylyq jasaý bólimshesiniń bastyǵy Rýslan Júsipov.
Jyl basynan beri probatsııa qyzmetteri eriktilermen birge 30 astam otbasyna kómek kórsetti. Olarǵa birinshi kezekte qajetti zattardy, azyq-túlik pen dári-dármekterdi jetkizip berdi. Máselen Aqjar aýdanynyń probatsııa qyzmeti «Jastar bastamalary ortalyǵy" KMM eriktilerimen birge kóp balaly otbasyna qaıyrymdylyq kómek kórsetti. Talshyq aýylynyń turǵyny, alty balanyń anasy M.Zakenovaǵa azyq-túlik aparyp berdi.
Al Petropavl qalasy probatsııa qyzmetiniń qyzmetkerleri volonterler klýbymen birge probatsııa qyzmetiniń esebinde turǵan sottalǵan Valentına men Galınaǵa baryp, olarǵa zattar, azyq-túlik jáne birinshi kezekte qajetti zattar túrinde materıaldyq kómek kórsetti.
